Con esa guía trátase de concienciar os homes para que redefinan o seu novo rol na sociedade, e especialmente no ámbito doméstico. O punto de partida é reflexionar sobre a desigualdade de xénero; por iso, en principio analízase o repartimento do tempo no ámbito doméstico, un tempo que maioritariamente ocupan as mulleres.
Esta guía está orientada para traballar en obradoiros de corresponsabilidade para homes. Cada bloque ou unidade está estruturada da seguinte maneira: comézase cunha breve presentación, defínense os obxectivos que se pretenden acadar e remátase cunha serie de actividades.
