Obxectivos do Milenio

Porén, a pesares do inmenso da tarefa, miles de persoas en todo o mundo están dispostas a loitar con toda a enerxía e a vontade por conseguir uns mínimos coherentes coa dignidade do ser humano.

Os Obxectivos do Milenio son a demostración de que o conxunto dos seres humanos podemos poñernos de acordo para fixar as metas que precisan inmediatas solucións.

Mulleres e homes de todas as idades e condición atópanse nestes momentos aportando todas as súas capacidades para afrontar os graves problemas que padecemos.

Parten da idea de que outro mundo é posible. De que todos e todas somos responsables na aldea global. Que desde calquera lugar do mundo, por moi acochado e remoto que se atope, existe un espazo para a acción, a solidariedade e a xustiza.

Iniciativas como as que as organizacións da Plataforma 2015 puxeron a andar demóstranos que é posible cumprir, coa vontade de todos e todas, as metas que nos temos proposto. Non se trata, por tanto, de esperar que outros ou outras actúen.

Trátase de sumarnos, de coñecer, de saber, de escoitar e de actuar. Calquera iniciativa é importante. O que ocorre a miles de kilómetros de distancia nos concerce.

O que facemos no noso contorno repercute a miles de kilómetros. Pensar globalmente, actuar localmente tense convertido nun deber ético individual e universal.

Con esta guía quixemos facer unha homenaxe a todas as persoas, maiores e xoves que desafían a lei da fatalidade crendo no proxecto doutro mundo posible e invitarvos a contribuir neste grande proxecto que é OS OBXECTIVOS DO MILENIO. Ésta é unha guía para a esperanza e o compromiso. Cando a leas, pensa que non estamos sós, que non estamos soas. Agora mesmo nalgún recuncho do planeta alguén está sementando unha arbre, construíndo unha idea, revelándose contra unha inxustiza, percurando a paz, desafiando a enfermidade, loitando contra a fame, educando a unha nena.